Kjo konsultë është ndërtuar për prindërit që duan të ndihen më të qetë dhe më të sigurt në mënyrën se si po e mbështesin dhe ndihmojnë zhvillimin e bebit të tyre, pa e sforcuar bebin dhe pa dyshuar veten. 

Gjatë konsultës do të marrësh:

✅ Një plan të personalizuar ushtrimesh dhe aktivitetesh, të ndërtuar sipas fazës ku ndodhet bebi yt

✅ Shpjegim të qartë se si dhe pse bëhen këto ushtrime dhe aktivitete

✅ Udhëzim praktik se si t’i zbatosh në shtëpi, përmes lojës dhe pa e sforcuar bebin

✅ Strukturë të thjeshtë për krijimin e rutinës suaj, me aktivitete fizike të përshtatura për përditshmërinë

✅ Qartësi mbi aftësitë kryesore që priten në fazën pasuese të zhvillimit

✅ Orientim profesional për të kuptuar kur është normale të presësh dhe kur ka nevojë të drejtohesh për ndihmë të mëtejshme

Konsultat zhvillohen më 18-19 Mars dhe ofrohen në numër të kufizuar!

Duke qenë se do të jem në Tiranë vetëm për 2 ditë, numri i konsultave është i kufizuar. 

Kjo më lejon t’i përkushtohem çdo familjeje dhe çdo bebushi me vëmendjen dhe kohën që kanë nevojë. 

Pagesa kryhet përmes PayPal dhe siguron rezervimin e menjëhershëm të orarit.

Në raste të kufizuara, për prindërit që kanë nevojë për pagesë cash, është e mundur të dërgohet një kërkesë për rezervim. Orari konfirmohet vetëm pas verifikimit dhe konfirmimit paraprak.

Nëse has vështirësi teknike me pagesën online, të lutem më kontakto.

Kjo konsultë është për ty nëse…

• ke një bebush 0–18 muaj dhe ke dyshime për zhvillimin e tij fizik
  
  

• pediatri të ka thënë që gjithçka është “brenda normales”, por ti ende nuk ndihesh e sigurt
  
  

• ndihesh e lodhur nga këshilla të ndryshme dhe informacione kontradiktore
  
  

• do të dish çfarë të bësh konkretisht, jo vetëm të lexosh teori
  
  

• dëshiron ta ndihmosh bebin tënd pa e sforcuar, në mënyrë të sigurt
  
  

• kërkon udhëzim të personalizuar, jo ushtrime të përgjithshme nga interneti
  
  

• do të ndihesh më e qetë dhe më e sigurt në atë që bën çdo ditë për bebin tënd
  
  

Nëse kjo konsultë ka qenë në mendjen tënde prej kohësh, kjo është koha për ta rezervuar orarin tënd.

Pyetjet më të shpeshta që kanë prindërit para se të rezervojnë:

1-Nëse bebit tim i duhen ushtrime a do të thotë që bebushi im ka një problem?

 Jo. Kjo konsultë nuk do të thotë që bebushi yt ka një problem.
Në shumicën e rasteve, prindërit vijnë sepse duan të kuptojnë më mirë zhvillimin fizik të bebit dhe si ta mbështesin atë në mënyrë të shëndetshme.
Ushtrimet dhe aktivitetet sugjerohen për të pasuruar zhvillimin normal, jo sepse ka diçka “gabim”.

3-A përfshin kjo konsultë programe rehabilitimi? 

Jo. Kjo konsultë nuk përfshin trajtime apo programe rehabilitimi.

Ushtrimet dhe aktivitetet që sugjerohen janë ushtrime të thjeshta sipas pozicioneve anatomike korrekte qe supozohet te kete bebushi ne levizjet te caktuara. Ushtrimet jane të bazuara në zhvillimin e shëndetshëm të bebit, të cilat mund të zbatohen lehtësisht në shtëpi përmes lojës dhe ndërveprimit të përditshëm. Ato janë të përshtatura për fazën ku ndodhet bebushi yt dhe synojnë ta mbështesin zhvillimin e tij në mënyrë të sigurt, pa e sforcuar dhe pa krijuar presion.

5-A do të marr ushtrime për ta ndjekur në shtëpi? 

Po. Pas konsultës do të marrësh një plan të personalizuar me ushtrime dhe aktivitete, të përshtatura për fazën ku ndodhet bebushi yt, së bashku me udhëzime të qarta se si t’i zbatosh në mënyrë të sigurt në shtëpi. Plani i personalizuar përgatitet pas përfundimit të konsultës dhe do të të dërgohet në email-in tënd personal në fund të ditës. 

7-Po nëse ushtrimet nuk sjellin menjëherë rezultat?

Përgjigje:
Zhvillimi i bebit nuk është një vijë e drejte dhe çdo bebush ka ritmin e tij.
Ushtrimet kanë për qëllim t’i krijojnë bebit kushtet e duhura për të mësuar një aftësi, jo ta detyrojnë ta arrijë atë brenda një afati të caktuar.

Shpesh përmirësimet vërehen gradualisht, në mënyrën se si bebi lëviz, pozicionohet e si i arrin aftësitë e reja.

Për këtë arsye, pas konsultës do të kesh mundësinë të komunikosh me mua për paqartësi dhe orientim, në mënyrë që të mos jesh vetëm gjatë këtij procesi. Ndjekja prej meje do behet per 1 muaj pikerisht per te pare si po ecim me arritjen e aftesive te reja. Shpeshhere mjafton vetem stimulimi i duhur qe bebi te organizoje  trupin e tij per te mesuar nje aftesi te re.

Dhe nëse gjatë konsultës ose gjatë ecurisë në vazhdim, bazuar në vlerësimin tim profesional, lind nevoja për një vlerësim më të thelluar, do të rekomandoj drejtimin tek profesionisti përkatës, në mënyrë që bebushi të marrë mbështetjen e duhur. 

9-Si funksionon pagesa dhe rezervimi i orarit?

Rezervimi i orarit konfirmohet pas përfundimit të pagesës online, e cila siguron rezervimin e menjëhershëm të orarit.

Në raste të kufizuara, kur pagesa online nuk është e mundur, pagesa mund të kryhet në ditën e konsultës. Në këtë rast, orari konsiderohet i rezervuar paraprakisht dhe duhet të konfirmohet të paktën 24 orë përpara takimit, sipas udhëzimeve që dërgohen pas plotësimit të formularit.

Në rast moskonfirmimi brenda këtij afati, orari i lirohet familjeve të tjera.

Ky rregull na ndihmon të respektojmë kohën dhe angazhimin e të gjithëve dhe të mbajmë oraret të qarta.

11- Ku zhvillohet konsulta?

Konsulta zhvillohet në  studion në Tiranë, në një ambient të qetë dhe të sigurt, të përshtatur për prindërit dhe bebushat, ku bebi ka hapësirë të lirë për të lëvizur dhe luajtur.

Adresa e saktë dhe të gjitha informacionet logjistike do të të dërgohen me email dhe WhatsApp pas konfirmimit të rezervimit.